الشعر الشعبي في الثورة التحريرية

استعرض الموضوع السابق استعرض الموضوع التالي اذهب الى الأسفل

الشعر الشعبي في الثورة التحريرية

مُساهمة  djamal في الخميس يناير 22, 2009 9:54 pm


زوج اذراري
زوج ذراري طلعوا الجبال هزوا سبته زادوا الرفال
ضربوا ضربة جابو ليشار يا حمودي يحيا لعـــــلام
***************
زوج اذراري
زوج اذراري عقبوا منا هزيت عينية شافو ليـــــه
والله مــــــــــــا انرنـدي واذا مت , مت في جهادية
***************
سي الصالح زيداني
سي الصالح زيداني مسول سياسي
خبرك راه جاني جيش التحرير الوطني

***************
سي احمد الوهراني
سي احمد الوهراني لعشارى راه الماني
واينك رايح يا الخاين وحش الغربة راه بكاني

***************
سي الصالح
ســــــــتي الصالح سيد السادات جاني خبرك قالوا مات
خــــــــــــــــــــــــبرنا كل الولايات قالو ما زال في الحياة

***************
بوذراع
بوذراع خلي خمسة والطوريق تحت الشجرة
سي احميد رايس اللجنة سي احميد رايس اللجنة

***************
عبدالله العموري
عبدالله العموري والجيش معاك
لعشاري بين اكتافك واقراد اذهب وتاك

***************
ديغول
حبة اتشينه جبات من بوزينه
يا ديغول روح اعلينا الجزائر راه لينا

***************
بابا
جا بابا حطيت اعيوني نبكي
قال لي اسكتي بنتي
انجيبوا الاستقلال وانولي

***************
ولد امي
الكونفة اللي جات والعسكر في الجيبات
ولد امي تحت الشجرات ما ادريتو حي والامات

***************
الجنود على رجليهم
الجنود على رجليهم والغابة غطات عليهم
اذا ماتوا الجنة ليهم واذا ربحو مبروك عليهم

***************
الجنود على رجليهم
الجنود على رجليهم والثلج اصب عليهم
على جال الحرب شلفطو رجليهم

***************
تشجع الشبان
اتشجعوا الشبان هزو لعـــــــــــــــلام
قصدو الــــــــرفال وربحنا الاستقلال

***************
سي الذوادي
سي الذوادي سركل فرنسا عادت تنادي
قال لها اخرجي من ابلادي
خلي الكرسي لاولادي

***************
لزهر اشريط
اخواني لزهر اشريط والبارود منه يعيط ويقتل اولاد الكفار

***************
يامسيو يا ديغول
يــامسيو يــاديغول دبر واش اتقول
جـــــــك الاسلام بالكور المدغول
الكور: القنابل

***************
ما تبكيش يا لميمة
ما تبكيش يا لميمة ما تبكيش على ابنك شهيد
تبكي مرت القومـي الي باع دينو للرومـــــــي

***************
اميمه ابكات
طلت اميمه وابكات قالت هذا ولدي اللي مات
الحرية راه جــــات وافرنسا رحلـــــــت ولات

***************
مصطفى بن بولعيد
مصطفى بن بولعـــــــيد الشجاعة والقلب لحديد
الكانو والكرتوش جديد حكموك الخباثه باليد

***************
الشيخ العيفه
الضيف الي جانــا يكركر في برنــــــــــــــــوس
هو شيخ الغيفـــه وانا معرفتوش

***************
الشبان الاسم الثاني للجيش
سلونا علــــــــــى الشـــــــــــــبان قولولهم هذاك الي كان
وقولهم:تنده بالشبان الي يسكنو جـــــــــــــــــبال الاوراس
وكذلك:شباني كهجمـــــــــــــــوا واعلى لبراج خشــــــوا
كتفـــــــــــــــــوا القبطـــــــــــــان وجابـــــــــــــــــوا قشوا



djamal

عدد المساهمات : 134
تاريخ التسجيل : 26/11/2008

الرجوع الى أعلى الصفحة اذهب الى الأسفل

الف شكر

مُساهمة  @ISS@ في السبت يناير 24, 2009 10:57 pm



الف شكر لك الاخ جمال مجهود متميز

@ISS@

عدد المساهمات : 227
تاريخ التسجيل : 22/11/2008

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى