رباعيات الشيخ عبدالرحمان المجذوب

استعرض الموضوع السابق استعرض الموضوع التالي اذهب الى الأسفل

رباعيات الشيخ عبدالرحمان المجذوب

مُساهمة  @ISS@ في السبت ديسمبر 06, 2008 9:48 pm

يا صاحبي كن صبار *** و اصبر على ما جرى لك
ارقد على الشوك عريان*** حتى يطلع نهارك
=+=+=+=
لا تخمم لا تدبر *** لا ترفد الهم ديمة
الفلك ما هو مسمر *** و لا الدنيا مقيمة
=+=+=+=
يا زارع الخير حبة *** يا زارع الشر ياسر
مولى الخير ينبا *** و مولى الشر خاسر
=+=+=+=
لا تخمم في ضيق الحال *** شوف عند الله ما وسعها
الشدة تهزم الارذال *** اما الرجال لا تقطعها
=+=+=+=
من يامنك يا كحل الراس *** ماشينك بطبيعة
السن يضحك للسن *** و القب فيه خديعة
=+=+=+=
سافر تعرف الناس *** و كبير القوم طيعه
كبير الكرش و الراس *** بنص فلس بيعه
=+=+=+=
طاقوا على الدين تركوه *** و تعاونوا على شريب القهاوي
الثوب من فوق نقوه *** و الجبح من تحت خاوي
=+=+=+=
لا تسرج حتى تلجم *** و اعقد عقدة صحيحة
لا تتكلم حتى تخمم *** لا تعود لك فضيحة
=+=+=+=
الصمت الذهب المسجر *** و الكلام يفسد المسالة
إذا شفت لا تخبر *** و إذا سألوك قول لا لا
=+=+=+=
نوصيك يا واكل الراس *** في ألبير ارمي عظامه
اضحك و العب مع الناس *** و فمك متن له لجامه
=+=+=+=
يا ذا الزمان يالغدار *** يا كاسرني من ذراعي
طيحت من كان سلطان *** و ركبت من كان راعي
=+=+=+=
الشاشية تطبع الراس *** الوجه تضويه الحسانة
المكسي يقعد مع الناس *** العريان ينوض من حذانة
=+=+=+=
الشر ما يظلم حد *** غير من يجيبوا لراسه
في الشتاء يقول البرد *** و في الصيف يغلبه نعاسه
=+=+=+=
يا لي تعيط قدام الباب ***عيط و كن فاهم
ما يفسد بين الأحباب *** غير النساء و الدراهم
=+=+=+=
لا يعجبك نوار الدفلى *** في ألواد داير ظلايل
لا يعجبك زين الطفلة *** حتى تشوف الفعايل
=+=+=+=
سور الرمل لا تعليه *** يعلى و يرجع لساسه
ابن الغير لا تربيه *** يكبر و يرجع لناسه
=+=+=+=
الخيل هبة من الريح *** و البل هي الشريفة
البغال قرصة من الهند *** و الحمار هو العيفة
=+=+=+=
إلي يركب يركب أشهب *** طرز الذهب في الجامه
إلي يدور يقول يقول كلمة الحق *** يدير هراوة في حزامه
=+=+=+=
أنا إلي رقيت في الرقوب *** و قعدت مثل الرصاص نذوب
من لا يقرأ للزمان عقوبة *** يجي على رأسه مكبوب
=+=+=+=
الدنيا مثلتها دلاعة *** تتكركب مع جميع الدلاع
الحاذق يعطي معها ساعة *** و الجايح يقعد معها قاع
=+=+=+=
جحش البغل لا تغنجيه *** و بالزيت تدهن جلوده
الصك و العض فيه *** هذيك عادة جدوده
=+=+=+=
كيد النساء كيدين *** من كيدهم يا حزوني
راكبة على ظهر السبع *** و تقول الحداء ياكلوني
=+=+=+=
كيد النساء كيدين *** من كيدهم جيت هارب
يتحزموا بالافاعي *** و يتخلوا بالعقارب
=+=+=+=
تخلطت ولابات تصفى *** و لعب خزها فوق ماها
رايس على غير مرتبة *** هما سبب خلاها
=+=+=+=
من خالط الاجواد جاد بجودهم *** و من خاط الارذال زاد عناه
و من جاور برمة تطلى بحمومها *** و من جاور الصابون جاب نقاه
=+=+=+=
الكاتبة تنادي و معها الخير *** و لو كان من بعيد تجيها
و الخاطية عليك من يديك تطير *** رزقك من قبل ماهو فيها
=+=+=+=
ماكاين كي الحرث تجارة *** ماكاين كي الام حبيب
ماكاين كي الشر خسارة *** ماكاين كي الدين طبيب
=+=+=+=
لا في الجبل واد معلوم *** و لا في الشتاء ريح دافي
لا في العدو قلب مرحوم *** و لا في النساء عهد وافي
=+=+=+=
الزيت يخرج من الزيتونة *** و الفاهم يفهم لغات الطير
إلي ما تخرج كلمته ميزونة *** يجحرها في ضميره خير

@ISS@

عدد المساهمات : 227
تاريخ التسجيل : 22/11/2008

الرجوع الى أعلى الصفحة اذهب الى الأسفل

شكرا

مُساهمة  ibntaiba في السبت ديسمبر 06, 2008 10:56 pm

1000 شكر على المساهمة و التميز واصل....
لقد شجعتنا للمواصلة في هذا المنتدى...
[img][/img]

ibntaiba

عدد المساهمات : 151
تاريخ التسجيل : 31/10/2008

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى